2018 йилнинг 14—19 сентябрь кунлари Тошкентда Made in Беларусь кўргазмаси бўлиб ўтади, унда «БЕЛAЗ», «МТЗ», «Белшина», «Беларусская лесная компания», «Берёзастройматериали», «Адани», «БелОМО», «Конте СПA», «Коммунарка», «Белриба» ва бошқа Беларусь компаниялари қатнашади. Бу ҳақда «Дарё»га кўргазма ташкилотчиси «Белинтерекспо» хабар берди.
Беларусь президентининг Ўзбекистонга сентябрга белгиланган ташрифи ва шунга бағишлаб ўтказилаётган Маде ин Беларусь кўргазмаси икки мамлакат ўртасидаги ҳамкорликка янги туртки бериши кутилмоқда.
Кўргазма доирасида бир қатор мавзули экспозициялар тақдим этилади. Мамлакатдаги йирик саноат корхоналари қишлоқ хўжалик ва коммунал техника намуналарини, инновацион электробусларни, мудофаа мажмуаси учун ишланмаларни намойиш қилади.
Шунингдек, белорус олимларининг илмий-техникавий ва инновацион ишланмалари, университетларнинг таълим дастурлари, бундан ташқари, Беларусда даволаниш имкониятлари тақдим этилади.
Изоҳ (0)