Халқ таълими вазирлиги Ўзбекистон президентининг «Халқ таълими тизимини такомиллаштириш бўйича чора-тадбирлар тўғрисида»ги фармони лойиҳасини муҳокама учун эълон қилди.
Ҳужжатда қайд этилишича, Ўзбекистонда мактабларнинг 28 фоизи компьютер синфларига эга эмас, 63 фоизида замонавий ускуналар йўқ, 93 фоизи юқори тезликдаги интернетга эга эмас.
Халқ таълими вазирлиги маълумотларига кўра, мактабларда этарлича электрон таълим ресурслари мавжуд эмас, ўқув жараёнини ташкил этишда замонавий ахборот-коммуникация технологиялари имкониятларидан кам фойдаланилмоқда, молиявий харажатларни бошқаришда ошкораликни таъминлашда оқсоқлик мавжуд.
Шу муносабат билан ҳужжат лойиҳасида 2021 йил охирига қадар барча халқ таълими муассасаларини интернет тармоғига кенг полосали кириш имконияти (камида 10 Мб/сония) билан қуйидаги тартибда таъминлаш кўзда тутилган:
— 2018 йил охиригача республика ва вилоят даражасида;
— 2019 йил охиригача туман даражасида;
— 2021 йил охиригача барча умумтаълим муассасалари.
Изоҳ (0)