Хитойнинг Гуйян шаҳрида жойлашган савдо марказидаги аквариумда яшаган акула бир қизчани тишлаб олди. Бу ҳақда South China Morning Post хабар берди.
Олти ёшли Сяо Ли дўконга бувиси ва холаси билан келган. Қичани акула, денгиз тошбақаси бор аквариум қизиқтирган. Қизча аквариумда яшовчи жониворларни яхшироқ томоша қилиш учун унинг ойнасига теккан пайтда йиртқич балиқлардан бири сувдан сакраб, қизчанинг қўлига ташланган.
Акуланинг тишлари қизчанинг қўлида узунлиги беш сантиметрга етадиган чуқур жароҳат қолдирган. Бундан ташқари, Сяо Лининг ўнг қўли бармоқлари тўққизта жойдан синган.
Савдо маркази менежерининг фикрича, қизчанинг ўзи аквариумга қўлини тиқиб, ҳужумга сабаб бўлган. Унинг сўзларига кўра, бу кузатув камераларидаги тасвирларда кўриниб турибди. South China Morning Post томонидан таъкидланишича, видео қиз аслида қўлини сувга тиққан-тиқмаганлигини фарқлашга имкон бермайди.
Изоҳ (0)