Бугун, 28 июль санасида футбол бўйича Ўзбекистон Pepsi Суперлигасининг 19-тур учрашувлари бошланиши ҳақида аввалроқ хабар берилганди. Кун тақвимидан одатга кўра 3 учрашув ўрин олган. Барча ўйинлар бир вақтда — 20:00 да бошланиши белгиланган.
Турнинг марказий ўйинларидан бири эса Наманганда бўлиб ўтади. «Навбаҳор» мусобақа пешқадами «Пахтакор»ни ўз майдонида қабул қилади. Мазкур учрашувда баҳрайнлик Наваф Шукрулла бошчилигидаги ҳакамлар гуруҳи ишлайди.
«Championat.asia» нашри хабарига кўра, Sport-TV телеканали «Навбаҳор» —«Пахтакор» учрашувини тўғридан-тўғри эфирга узатади. «Марказий» стадионидаги баҳсни Элёр Абдулвоҳидов шарҳлаб боради.
Изоҳ (0)