Бугун «Навбаҳор» «Пахтакор»га қарши жанг қилади, «Насаф» эса ўз майдонида АГМКни синовдан ўтказади

​Бугун, 28 июль санасида футбол бўйича Ўзбекистон Pepsi Суперлигасининг 19-тур учрашувлари бошланади. Кун тақвимидан одатга кўра 3 учрашув ўрин олган.

19-тур доирасида Бекободда «Металлург» Фарғонанинг «Нефтчи» жамоасини қабул қилади. 

Турнинг марказий ўйинларидан бири эса Наманганда бўлиб ўтади. «Навбаҳор» мусобақа пешқадами «Пахтакор»ни ўз майдонида қабул қилади. Мазкур учрашувда баҳрайнлик Наваф Шукрулла бошчилигидаги ҳакамлар гуруҳи ишлайди.

Яна бир беллашув эса Қаршида бўлиб ўтади. Унда «Насаф» Олмалиқнинг АГМК жамоасига қарши кураш олиб боради.

Барча учрашувлар 20:00 да бошланиши белгиланган.