Россиянинг Липецк вилояти суди Грязи шаҳрида яшовчи 22 ёшли аёлни 18,5 йилга умумий тартибдаги колонияда озодликдан маҳрум қилиш жазосига ҳукм қилди. Бу ҳақда «РИА Новости» хабар берди.
Тергов маълумотларига кўра, 2017 йилнинг 28 октябрь куни кечқурун шаҳардаги квартиралардан бирида 21 ёшли аёл ва унинг уч ёшли қизи пичоқ билан берилган кўп сонли жароҳатлардан вафот этган ҳолда топилган. Аниқланишича, қотиллик юз берган куни вафот этган аёлнинг эри ишда бўлган. Бир кун аввал ёш оиланикига аёлнинг дугонаси меҳмон бўлиб келган ва тунни шу хонадонда ўтказган. Қотилликдан сўнг у ҳужжатлар ва ноутбукни олиб, ғойиб бўлган.
Гумонланувчи қўлга олинган. У ўз айбига тўлиқ иқрор бўлган. Аёл ўз ҳаракатларини мактабдаги дугонасига нисбатан тўсатдан пайдо бўлган кўра олмаслик ва ҳасад туфайли амалга оширгани билан изоҳлаган.
Изоҳ (0)