Австралияда 5 ёшли бола музлатгичга ёпиштирилган 30 та магнитни ютиб юборди. У ичак зарарланиши ташхиси билан шифохонага тушди, деб хабар беради New Zealand Herald.
Ҳодиса Мельбурн шаҳрида юз берди. Ной Лефо исмли 5 ёшли бола бувиси билан уйда қолган эди. Боланинг бувиси Нойнинг қорнини ушлаб, инграётганини кўргач, тез ёрдам чақирган.
Шифокорлар боланинг қорнини рентген ёрдамида текшириб, у ерда 30 та юмалоқ метал буюм борлигини аниқлаган. Шунда болакай кулранг магнитчаларни хўрозқанд деб ўйлаб, ютиб юборганини айтган.
Жарроҳлар боланинг қорнидан магнитларни чиқариб олиш учун 6 соат вақт сарфлади. Уларнинг таъкидлашича, агар Нойни бироз кечикиб олиб келишганида, у ҳаётдан кўз юмиши мумкин эди.
Изоҳ (0)