ПСЖ клуби ярим ҳимоячиси Гжегож Криховяк расман Москванинг «Локомотив» клубига ўтди. Бу ҳақда клуб расмий сайтида хабар берилди.
Футболчи Россия клубига ижара асосида трансфер қилинди. Шу билан бирга «темирйўлчилар» Криховякни 12 миллион еврога сотиб олиш ҳуқуқини ҳам қўлга киритди. Бунинг учун футболчи «Локо» сафида камида 10 та учрашувда майдонга тушиши лозим. Футболчи янги жамоаси сафида 7-рақамда тўп суради.
Польшалик футболчи якунига етган мавсумни АПЛда «Вест Бромвич» сафида ўтказди. 27 учрашувда қатнашиб, бирорта ҳам гол ура олмади. Гжегож 2016 йил ёзида «Севилья»дан ПСЖга 30 миллион евро эвазига трансфер қилинган эди.
Маълумот учун ўзбекистонлик ҳимоячи Виталий Денисов ҳам «Локомотив» сафида тўп суради.
Изоҳ (0)