Самарқандда ноқонуний ер сотишга уринган фермерга нисбатан жиноий иш қўзғатилди, деб хабар беради «Дарё» мухбири Фарҳод Норбўтаев.
11 июль куни Самарқанд вилояти ИИБга фуқаро О.А. ариза билан мурожаат қилган. У ўз аризасида Паяриқ туман «Чолмўйин тепаси» фермер хўжалигининг раиси Қ.Ў. ўзи раҳбарлик қилиб келаётган хўжалигининг пахта экинлари экилган жами 5.3 гектар ер майдонини Паяриқ туман қишлоқ ва сув хўжалиги бўлими бошлиғи орқали ҳокимият захирасига қайтариб, номига расмийлаштириб бериш эвазига 5000 АҚШ долларига келишиб, 2500 АҚШ долларини беришини талаб қилаётганлигини маълум қилиб унга нисбатан чора кўришни сўраган.
Самарқанд вилоят ИИБ томонидан олинган маълумотга кўра мазкур аризага асосан Самарқанд вилояти ИИБ ЖҚБ Коррупция ва иқтисодий жиноятларга қарши курашиш бўлими томонидан ўтказилган тезкор тадбир давомида Паяриқ туман «Чолмўйин тепаси» фермер хўжалигининг раиси Қ.Ў. фирибгарлик йўли билан олдиндан келишилган 5000 АҚШ доллари ҳисобидан 2500 АҚШ доллари миқдоридаги пулларни олган вақтида ашёвий далиллар билан ушланди.
Ушбу ҳолат юзасидан Қ.Ў.га нисбатан Ўзбекистон Республикаси Жиноят Кодексининг 168-моддаси (фирибгарлик) 2-қисми ва 28.211-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)