Бугун,

  • USD 11095.31
  • RUB 173.84
  • EUR 10772.44

Ўзбекистонда замонавий қурилиш материалларини ишлаб чиқариш соҳасида бурилиш юз берди. 2017 йилда Жиззахдаги Mega Invest Industrial компанияси замонавий қурилишда қимматли инновацион материал ҳисобланган арматура ва композит тўр тайёрланадиган базальт тола ишлаб чиқарувчи Базальт заводини ишга туширди.

Базальт заводининг икки юздан ортиқ ишчиси 10 000 м.кв. майдонда ушбу инновацион қурилиш материалини ишлаб чиқармоқда. Шу йилнинг февраль ойидан бошлаб ҳозирга қадар заводда 720 тонна арматура ишлаб чиқарилди. Корхонанинг ишлаб чиқариш қуввати йилига 3 000 тоннадан ортиқ базальт тола ишлаб чиқариш имконини беради, маҳсулотнинг катта қисми арматура тайёрлашга йўналтирилади.

Шу ўринда базальт арматура нисбатан янги маҳсулот эканини, бироқ шунга қарамасдан жаҳонда инновацион қурилишларда фаол қўлланаётганини таъкидлаш жоиз. Ушбу маҳсулот ўзининг ноёб хусусиятлари туфайли тез орада қурилиш соҳасида ўзининг доимий ўрнини топиши шубҳасиз.

Базальт ёки композит арматура ровинг деб аталувчи узлуксиз базальт толадан фойдаланган ҳолда тайёрланади. У ташқи томондан ҳеч нимаси билан пўлат арматурадан фарқ қилмайди – узлуксиз спирал қиррадорликка эга.

Базальт арматура ноёб техник характеристикалари билан фарқ қилади. Масалан, у пўлат арматурага қараганда 4 баравар енгил ва шу билан бирга 3 баравар мустаҳкам ҳамдир. Бунинг устига у нам тортмайди, коррозияга учрамайди, электр токини ўтказмайди ва иссиқлик ўтказиш даражаси ҳам паст.

Базальт арматурадан фойдаланганда пайвандлаш ишлари талаб қилинмайди. Уни пластик хомутлар ёрдамида ҳам, оддий боғланадиган сим ёрдамида ҳам боғлаш мумкин, бу эса зилзилаларга чидамлиликни оширишда муҳим аҳамият касб этади.

Мижозлар учун маълумот, агар арматура диаметри 12 миллиметрдан ошмаса, унда у 100 метрлик бухталар кўринишида етказиб берилади. Агар базальт арматура диаметри 14 миллиметр ва ундан юқори бўлса, унда симларнинг узунлиги буюртмачининг ихтиёрига қараб қилинади.

Базальт арматурадан фойдаланишнинг иқтисодий фойдаси пўлат ва базальт арматура погон метри орасидаги қиймат бўйича фарқдан эмас, балки кўплаб омиллардан шаклланади. Айтиш жоизки, базальт арматура кескин нарх ўзгаришларига учрамайди.

Пўлат арматура қўллашни кўзда тутувчи лойиҳалар базальт арматурали лойиҳага қайта ҳисобланганида, сифат бўйича технологик характеристикалар сезиларли даражада ошишидан ташқари, маблағларнинг 30% дан 50% гача миқдори тежалишига эришилади. Шунингдек, базальт арматурадан фойдаланиш транспорт ташувлари, юклаш-тушириш, таъмирлаш ишларига кетадиган сарф-харажатларни камайтиришга ёрдам беради ва гидроизоляция учун қўшимча ҳимоя бетон қатламини талаб қилмайди, чунки базальт арматура коррозияга учрамайди.

Дунёнинг етакчи халқаро қурилиш компаниялари базальт арматурани фуқаролик ва саноат қурилишларида, тажовузкор муҳитда ишлайдиган махсус конструкцияларда, архитектуравий цемент-бетон буюмларида, йўл, метро, тўқимачилик фабрикалари, заводлар, аэропортлар ва темир йўл вокзаллари қурилишларида қўллайди. Базальт заводининг арматураси сувтарновлар, лотоклар ва бетондан тайёрланадиган бошқа маҳсулотларни ишлаб чиқаришда металлга қараганда яхшироқ материал ҳисобланади, чунки у пўлатга қараганда уч баравар мустаҳкам, 7 баравар енгил бўлиб, коррозияга учрамайди, эгилувчан ва электр токини ўтказмайди.

Бугунги кунда сув тайёрлайдиган ва тозалайдиган объектларни, маиший қаттиқ ва суюқ чиқиндилар сақланадиган, қайта ишланадиган ва утилизация қилинадиган объектларни барпо этиш ва таъмирлашда, юқори кучланишли электромагнит майдон ва потенциаллар фарқи шароитларида (ЯМР-томография бокслари, юқори вольтли линиялар ва кичик станцияларнинг таянч конструкциялари ва ҳ.к. ) ишлатиладиган бетон иншоотларни арматуралашда ушбу инновацион материалга бўлган талаб катта. Базальт арматура доимий равишда сув ёки бошқа тажовузкор омиллар таъсири остида бўладиган кўприклар, гидротехник иншоотлар қурилишида, қирғоқ чизиқларини мустаҳкамлашда, иншоотларни реконструкция қилишда тобора кўпроқ қўлланилмоқда.

Базальт заводига йўналтирилган инвестицияларнинг умумий суммаси қарийб 54 миллион долларни ташкил қилади. Базальт тола ишлаб чиқариш учун хом ашё сифатида заводда Жиззах вилоятининг Фориш туманидаги Осмонсой кони қазилмаларидан фойдаланилади.

Айни пайтда Mega Invest Industrial корхонаси Савдо-саноат палатаси кўмагида маҳсулотни сотиш учун хориж бозорларини изламоқда. Компания Афғонистон, Эрон, Покистон ва бошқа яқин хориж мамлакатларидаги объектлар қурилишида қатнашишни режалаштирган.

Сотиш бўлими алоқалари: Чилонзор тумани, Бунёдкор шоҳ кўчаси, 27

Телефон: +99899 8635770, +998998625770

E-mail: sales@basalt.uz

Реклама ҳуқуқи асосида 

Изоҳ
Асосий янгиликлар
Маҳаллий
«Дарё» кундалигида 2 декабрда содир бўлган энг муҳим воқеалар
Маҳаллий
«Ифлослантирувчи тўлайди» тамойили, «яшил сертификатлар», энергия улушини камайтириш: Мирзиёев «яшил» иқтисодиёт тақдимоти билан танишди
Дунё
Британия разведкаси Россия Украинадаги урушда қуруқликдан ҳужум қилолмаётгани сабабини тушунтирди