«Арсенал» жамоаси ярим ҳимоячиси Месут Ўзил Германия терма жамоасидаги фаолиятини якунлаганини эълон қилди.
«Бўлиб ўтган сўнгги воқеалар ҳақида жуда кўп ўйладим ва Германия терма жамоасида бошқа ўйнамасликка қарор қилдим Мен ирқчилик ва адолатсиз муносабатни ҳис этяпман. Миллий терма жамоа либосини ғурур ва хурсандчилик билан кийдим, аммо ҳозир бундай эмас. Бу қарорни қабул қилиш мен учун ўта қийин бўлди. Мен доимо жамоадаги шерикларим, мураббийлар ва Германия халқи учун боримни бериб ўйнадим. Аммо немис футбол уюшмасининг юқори мартабали амалдорлари туркий илдизларимни ҳурмат қилмасдан, каминани сиёсий тарғиботда айблаши-да қониқтирмайди. Бу менинг футбол ўйнашимнинг асл сабаби эмас. Ва бунга чидаб ўтирмоқчи эмасман. Ирқчиликни қабул қилиш мумкин эмас»,—деб ёзади Ўзил.
Эслатиб ўтамиз, Ўзил Туркия президенти Ражаб Тоййиб Эрдўгон билан суратга тушганидан сўнг қаттиқ танқид остига олинди.
Сўнгра футболчи ҳаракатларининг сиёсатга ҳеч қандай боғлиқ жойи йўқлиги борасида изоҳ берганди.
Маълумот учун Месут Ўзил Германия терма жамоасида шу кунга қадар 58 учрашув ўтказиб, 18 та гол уришга эришган. Ўзил Германия терма жамоаси билан 2014 йилда Жаҳон чемпионлигини қўлга киритган.
Изоҳ (0)