ПФЛ Pepsi Суперлиганинг олдиндаги бир қатор масъулиятли учрашувларни бошқариб бориш учун Россия яшил майдонларида бўлиб ўтган ЖЧ—2018 ўйинларида ҳакамлик қилган рефериларни Ўзбекистонга таклиф этди.
Унга кўра 19-тур учрашувлари доирасидан ўрин олган «Навбаҳор» — «Пахтакор» ўйинини баҳрайнлик Наваф Шукрулла бошчилигидаги ҳакамлар гуруҳи бошқариб боради. Унга қанотларда ҳамюртлари Ёсир Ҳалил Иброҳим Телфат ҳамда Наваф Шаҳин Ҳалифа ёрдам беради. Шукрулла бошчилигидаги бригада ЖЧ—2018 да 2 та учрашувни бошқарди.
Шунингдек, 20-турнинг марказий ўйини «Пахтакор» — «Локомотив» учрашувида эронлик Алиризо Фағоний бошчилигидаги гуруҳ ишлайди. Унга қанотларда ҳамюртлари Муҳаммадризо Мансурий ва Ризо Суҳандон ёрдам беради. Фағоний бошчилигидаги бригада ЖЧ—2018 да 4 та учрашувни бошқарди.
Pepsi Суперлига
19-тур беллашуви
28 июль, шанба
«Навбаҳор» — «Пахтакор»
Бош ҳакам: Наваф Шукрулла (Баҳрайн)Қанот ҳакамлари: Ёсир Ҳалил Иброҳим Телфат, Наваф Шаҳин Ҳалифа (Баҳрайн)
20-тур беллашуви
1 август, чоршанба
«Пахтакор» — «Локомотив»
Бош ҳакам: Алиризо Фағоний (Эрон)Қанот ҳакамлари: Муҳаммадризо Мансурий, Ризо Суҳандон (Эрон)
Изоҳ (0)