Бугун,

  • USD 11014.01
  • RUB 191.8
  • EUR 10674.78

Давлат раҳбари Ядро физикаси институтида ўтказган учрашувда институт илмий котиби Сайрамбой Игамов сўзга чиқиб, олимлар, зиёлиларга алоҳида эътибор қаратилаётгани, кенг имкониятлар яратилаётганини таъкидлаб, миннатдорлик билдирди. Бу ҳақда ЎзА хабар бермоқда.

Фото: ЎзА

Фото: ЎзА

У Тошкент вилояти, Қибрай тумани тиббиёт бирлашмасида лаборант бўлиб ишлаётган рафиқаси 1993 йилдан буён Ўзбекистон фуқаролигини ололмаётганини айтиб, шу масалада ёрдам беришни сўради.

Сайрамбой Игамов турмуш ўртоғи билан 2 фарзандни вояга етказган. Уларнинг каттаси Турин политехника университетини битириб, ҳозирда «Лукойл» компаниясида ишламоқда. Иккинчи фарзанди Тошкентдаги Инҳа университети талабаси.

Давлат раҳбари илм-фан тараққиётига муносиб ҳисса қўшаётган, фидойи олимларни қўллаб-қувватлаш энг муҳим вазифалардан бири эканлигини таъкидлаб, Сайрамбой Игамовнинг илтимоси ижобий ҳал этилишини билдирди.

Шу куннинг ўзида Президент фармони билан Тошкент шаҳар ҳокими вазифасини бажарувчи Жаҳонгир Ортиқхўжаев Наргиза Игамовага фуқаролик паспортини тантанали топширди.

— Ўзбекистонда яшаб, меҳнат қилаётган бўлсам-да, фуқаролигим йўқлиги боис кўнглим кемтик эди, — дейди Наргиза Игамова. — Яқин қариндошларим Қозоғистонда. Фуқаролик паспортим йўқлиги учун отам вафот этганда маъракасига қатнаша олмадим. Бу мен учун энг катта армон бўлиб қолди. Шукрки, бугун фуқаролик паспортини қўлимга олдим.

Изоҳ
Асосий янгиликлар