Ягона интерактив давлат хизматлари порталида «Жисмоний шахслар учун СТИР олиш ёки СТИР маълумотларини ўзгартириш» хизмати ишга туширилди. Бу ҳақда Ахборот технологиялари ва коммуникацияларини ривожлантириш вазирлиги матбуот хизмати хабар берди.
Хизмат орқали идентификацион рақамларни аниқлаш, шунингдек, СТИР маълумотларини қисқа вақт ичида ўзгартириш мумкин. Мурожаат юборилганидан сўнг СТИР гувоҳномаси электрон кўринишда почта манзилига тақдим этилади.
Хизматдан фойдаланиш учун паспорт нусхаси (яшаш жойи маълумотлари билан) керак бўлади.Давлат солиқ хизмати органларида солиқ тўловчига идентификацион рақам (СТИР) бериш ёки ҳисоб маълумотларига ўзгартириш киритиш учун жисмоний шахс:
1. Тегишли амални танлайди (ҳисобга қўйиш ёки ҳисоб маълумотларига ўзгартириш киритиш);2. Ариза шаклини электрон тўлдиради;
3. Сканерланган паспорт нусхасини юклайди;
4. Доимий яшаш манзили бўйича давлат солиқ инспекциясига электрон аризани юборади.
Мазкур жараёндан сўнг, 3 иш куни давомида давлат солиқ хизмати органларида ҳисобга қўйилгани бўйича гувоҳномани электрон почта манзилидан олиш мумкин бўлади.Энди фамилия ёки шахсий паспорт маълумотларини ўзгартирганлар СТИРни ўзгартириш учун солиқ қўмитаси бўлинмаларига ташриф буюриши талаб этилмайди. Эндиликда маълумотларни my2.gov.uz орқали ёки Давлат хизматлари марказига бориб ўзгартириш мумкин.
Изоҳ (0)