18 июль куни Ўзбекистон Хотин-қизлар қўмитаси биносида Қирғизистон хотин-қизлар хавфсизлиги, ҳуқуқ ва тартибот соҳасида фаолият олиб борувчи аёллар ассоциацияси делегациясининг Ўзбекистон Республикаси Ички ишлар вазирлиги таркибидаги хотин-қизлар масалалари билан шуғулланувчи ишчи гуруҳи билан учрашуви бўлиб ўтди. Бу ҳақда «Дарё»га Хотин-қизлар қўмитаси маълум қилди.
Учрашув давомида ҳар икки томон давлатнинг ҳуқуқ-тартибот соҳасида фаолият олиб борувчи аёллар ва уларга кўрсатилаётган имкониятлар ҳақида сўз борди. Шунингдек, учрашувда аёллар тенглиги масаласи, уларнинг ҳуқуқ ва муҳофазасига оид долзарб масалаларда фикр алмашинуви бўлиб ўтди.
Қирғизистон делегациясининг таркибида собиқ милиция ходимлари ва захирадаги полковниклардан иборатлиги ушбу учрашувнинг аҳамияти ва муҳимлигини янада оширди, дейилади хабарда. Томонлар келгусидаги ҳамкорликда амалга ошириладиган йўналишлар бўйича келишиб олди.
Изоҳ (0)