Энг кўп қизил карточка «Қўқон-1912» рақибларига, энг кўп пенальти эса «Қўқон-1912»га

Кеча, 18 июль санасида Pepsi Суперлиганинг 17-туридан ўрин олган «Қўқон-1912» — АГМК учрашуви бўлиб ўтди.

Ўйиннинг 65-дақиқасида бош ҳакам Шерзод Қосимов меҳмонлар дарвозабони Павел Матяшга қизил карточка кўрсатиб, майдондан четлатди. Шу тариқа бу мавсумда «Қўқон-1912»нинг рақибларига олтинчи марта қизил карточка кўрсатилиши бўлди, деб ёзмоқда «Championat.asia».

Бу борада иккинчи ўринда «Сўғдиёна» бормоқда. Жиззах клубига қарши ўйнаган клубларнинг 3 нафар футболчиси четлатилган. Маълумот учун «Қўқон-1912»нинг АГМК, «Қизилқум» (2 марта), «Бухоро», «Нефтчи» ва «Локомотив» билан ўйинларида рақиб жамоаларга қизил карточка кўрсатилган.

2018 йил ҳозирга қадар «Қизилқум», «Навбаҳор» ва «Бунёдкор» клубларининг рақибларига эса умуман қизил карточка кўрсатилмаган.

«Қўқон-1912»—АГМК баҳсида мезбонлар икки бор пенальти тепиш ҳуқуқига эга бўлди. Шу тариқа қўқонликлар бу мавсумда 7 марта 11 метрли жарима тўпи тепди.

«Қўқон-1912» Ўзбекистон чемпионатларида бир мавсумда пенальти тепиш бўйича ўз рекордини янгилади. Олдинги рекорд 2016 йилда қайд этилганди. «Қўқон-1912» Ўзбекистон чемпионатларида тепган пенальтилари йиллар бўйича:

2015 йил - 2 та2016 йил - 6 та2017 йил - 4 та2018 йил - 7 та