8 июль санасида старт олган футбол бўйича Ўзбекистон Pepsi Суперлигаси баҳсларининг 16-тури кеча, 9 июль куни ниҳоясига етди.
Куннинг дастлабки ўйинида «Қўқон-1912» ўз майдонида «Локомотив»ни қабул қилиб, 1:2 ҳисобида мағлуб бўлди. «Локо»нинг голлари Садриддин Абдуллаев, Сардор Рашидов номига ёзилган бўлса, қўқонликларнинг голи эса жамоа тўпурари Мурод Холмуҳаммедов томонидан киритилди. Мазкур ғалабадан сўнг «Локомотив» 25 очко билан 4-ўринга жойлашган бўлса, «Қўқон-1912» эса 15 очко билан 9-ўринда.
Жиззахда «Сўғдиёна» Бекободнинг «Металлург» жамоасини қабул қилди. Учрашув тақдири бекободликлар ҳужумчиси Зоҳид Абдуллаев томонидан 41-дақиқада ҳал этилди. Бу натижадан кейин «Металлург» 23 очко билан 6-ўринни мустаҳкамлаб олди, «Сўғдиёна» эса 12 очко билан 11-ўринга жойлашди.
Турнинг сўнгги ўйини Тошкентда «Бунёдкор» ҳамда «Қизилқум» жамоалари ўртасида бўлиб ўтди. Учрашувнинг 8-дақиқасида Жавлон Иброҳимов пенальтидан ҳисобни очган бўлса, иккинчи бўлимнинг 83-дақиқасида Филип Раевац ҳисобни 2:0 кўринишига келтирди. Шу тариқа «Бунёдкор» 3 очкога эга бўлди.
Бу ғалабадан сўнг «Бунёдкор» 29 очко билан 2-ўринга чиқиб олди. «Қизилқум» 16 очко билан 8-ўринни эгаллаб турибди.
Pepsi Суперлига
16-тур учрашувлари
9 июль, душанба
Изоҳ (0)