Исроил армияси ҳар ойда ҳарбий хизматчиларнинг шахсий телефонларига шартли зарарли дастурлар юбориш ва уларни интернетда номаълум киши билан мулоқотга чорлаш орқали машғулотлар ўтказади. Бу ҳақда «РИА Новости» хабар берди.
Хабар берилишича, «ижтимоий эмлаш»шахсий таркиб орасида кибертаҳдидлардан юқори даражада хабардорликни таъминлаш ва хакерлик ҳужумини ўз вақтида бартараф қилиш имконини беради.
Қайд этилишича, бундай машғулотлар ҳар ойда ўтказилади. Ҳарбий хизматчиларнинг фақат беш фоизи нотаниш киши билан мулоқотга киришади, икки фоизи эса нотаниш киши томонидан тавсия қилинган дастурни юклаб олишга рози бўлади.
Агар бу ҳолат юз берса, телефонга «Ҳозир бу биз эдик, бироқ эртага душман бўлиши мумкин. Ўз қисмингдаги ахборот хавфсизлиги бўйича масъулга бориб, маълумот бер», — деган хабар келади.
Юқори даражадаги ҳушёрлик яқинда фаластинлик хакерлар томонидан ҳарбий хизматчиларнинг телефонларига кўнгилочар дастурлар кўринишидаги жосуслик дастурлари билан уюштирилган ҳужумни тезкорлик билан аниқлаш ва бартараф этишга имкон берган, дейилади хабарда.
Изоҳ (0)