Россияга Қрим учун киритилган санкциялар ярим орол Украинага қайтариб берилмагунича кучда қолади. Бу ҳақда Оқ уй матбуот котиби Сара Сандерс маълум қилди, деб ёзади «Интерфакс».
«Биз Россиянинг Қримни босиб олишга уринишини тан олмаймиз. Биз Россиянинг фикрига қўшилмаймиз. Қрим учун Россияга киритилган санкцияларимиз Россия ярим оролни Украинага қайтармагунича кучда қолади», — деди у журналистларга.
Шу билан бирга, Сандерс АҚШ ва Россия президентлари Дональд Трамп ва Владимир Путиннинг бўлғуси саммитида АҚШ томонидан Қримнинг Россияга тегишли эканлиги тан олиниши эҳтимоли муҳокама қилиниш-қилинмаслиги ҳақидаги саволга жавоб бермади.
«Мен музокаралар ҳақида ҳозир ҳеч нарса айтмоқчи эмасман», — деди Оқ уй матбуот котиби.
Изоҳ (0)