Бугун, 30 июнь санасида футбол бўйича Россия майдонларида бўлиб ўтаётган Жаҳон Чемпионати нимчорак финал баҳсларига старт берилди.
Ҳозиргина нимчорак финалнинг илк учрашуви якунига етди. Антуан Гризманн етакчилигидаги Франция термаси, Лионель Месси бошлиқ Аргентинага қарши кураш олиб борди.
Учрашувда ҳисоб Антуан Гризманн томонидан 13-дақиқада очилди. У Маркос Рохонинг қўполлиги учун белгиланган пенальтини аниқ амалга оширди. 41-дақиқада эса Анхел Ди Мария ўзининг кучли ва аниқ зарбаси билан ҳисобни тенглаштирди.
Иккинчи бўлим Аргентина учун омадли бошланди. 48-дақиқада Мессининг зарбасини бироз ўзгартириб юборган Габриэль Меркадо жамоасини ҳисобда олдинга олиб чиқди. Шундан сўнг Францияни тўхтатиб қолишнинг иложи қолмади. 57-дақиқада Бенжамин Павар ўта кучли зарба билан ҳисобни тенглаштирди. Орадан 7 дақиқа ўтиб, Килиан Мбаппе Францияни ҳисобда олдинга олиб чиқди. Ҳеч қанча ўтмай, Мбаппенинг ўзи ҳисобни 4:2 кўринишига келтириб қўйди. Учрашувга қўшиб берилган дақиқаларда эса ўйинга захирадан майдонга тушган Серхио Агуэро ҳисобни қисқартиришга эришди. Ўйин Франциянинг ғалабаси билан якунланди.
Шу тариқа французлар 1/4 финалнинг илк иштирокчисига айланди. Месси ва унинг Аргентинаси эса уйига равона бўладиган бўлди.
Ҳа, айтганча, «Дарё» сўровномасида иштирок этган ўқувчиларимизнинг 38 фоиз қисми Месси ва унинг Аргентинаси мусобақа билан хайрлашишини тахмин этганди.
Жаҳон Чемпионати
1/8 финал беллашуви
30 июнь, шанба
Франция—Аргентина 4:3
Голлар: 1:0 – 13, пенальти Гризманн, 1:1 – 41 Ди Мария, 1:2 – 48 Меркадо, 2:2 – 57 Павар, 3:2 – 64 Мбаппе, 4:2 – 68 Мбаппе, 4:3 – 90+2 Агуэро.Франция: Лорис, Варан, Умтити, Люка Эрнандес, Павар, Матюиди (Толиссо, 75), Погба, Канте, Жиру, Гризманн (Фекир, 83), Мбаппе (Товен, 89).
Аргентина: Армани, Маскерано, Отаменди, Меркадо, Рохо (Фасио, 46), Тальяфико, Ди Мария, Банега, Перес (Агуэро, 66), Павон (Меса, 75), Месси.
Огоҳлантиришлар: Рохо (11), Тальяфико (19), Маскерано (43), Банега (50), Матюиди (72), Павар (73), Отаменди (90), Жиру (90).
Изоҳ (0)