Қорақалпоғистонда «Билимсиз ва дангаса инсоннинг жамиятдаги ўрни» деб номланган ёдгорлик пайдо бўлди. Бу ҳақда «Kruz.uz» хабар берди.
Ёдгорлик Қанликўл туманидаги «Бахтли» истироҳат боғига ўрнатилди.
«Унда юзага келган озгина муаммолар олдида бош эгиб, ҳеч қандай мақсадга интилмайдиган, китоб ўқимайдиган, меҳнат қилишни хоҳламайдиган, бепарво инсонларнинг халқ ва жамиятда эгаллаган ўрни акс эттирилган. Бундай инсоннинг ўрни фақат бўшлиқ», — дейилади хабарда.
Ёдгорликни ўрнатишдан кўзда тутилган асосий мақсад ёшларни китоб ўқиш, билим олиш, ҳаётда учраган муаммоларни мардона енгиб ўтиш, меҳнат қилиш орқали жамиятда ўзининг муносиб ўрнини топишга интилиш туйғуларини шакллантиришдан иборатлиги билдирилмоқда.
Изоҳ (0)