Бухоро вилоятининг Жондор туманида 23 июнь куни Пешку туманида яшовчи А.Р. Nexia машинасини «Самарқанд—Бухоро—Туркманбоши» йўлининг 292-километрида ҳайдаб кетаётиб, қарама-қарши йўналишга чиқиб кетди. Бу ҳақда ИИВ жамоатчилик ва ОАВ билан алоқалар бошқармаси хабар берди.
У қаршисидан келаётган Олот туманида яшовчи Ж.Б. бошқарувидаги «ВАЗ-21011» русумли машина билан тўқнашув содир этиши оқибатида иккала автомобилда ёнғин содир бўлди.
Юз берган тўқнашувда «ВАЗ-21011» машинаси йўловчиси, Олот туманида яшаган Л.К. олган жароҳатидан воқеа жойида, Nexia йўловчиси, Қоракўл туманида яшаган А.Ж. касалхонага келтирилганида ҳаётдан кўз юмди.
Ҳайдовчилар А.Р. ва Ж.Б. жароҳат олиб, касалхонага ётқизилди.