Тошкент шаҳрининг Бектемир туманида 21 июнь куни Сурхондарё вилояти Сариосиё туманида яшовчи Э.Ж. маст ҳолда Сувсоз даҳасида жойлашган 3-сонли ИИБ биноси олдида шу даҳада яшовчи В.К. билан жанжаллашади. Бу ҳақда ИИВ жамоатчилик ва ОАВ билан алоқалар бошқармаси хабар берди.
Чақирув асосида воқеа жойига келган Бектемир туман ИИБ тезкор вакили, лейтенант Ш.С. фуқаро Э.Ж.ни тартибга чақирган вақтида у ходимнинг қонуний талабларига бўйсунмай, қаршилик кўрсатиб, уриб, жароҳат етказди.
Натижада лейтенант Ш.С. жароҳат олиб, касалхонага ётқизилди. Мазкур ҳолат юзасидан суриштирув ишлари олиб борилмоқда.
Изоҳ (0)