Бугун, 21 июнь санасида футбол бўйича Россияда ўтаётган Жаҳон Чемпионати 2-тур баҳслари давом эттирилмоқда.
Куннинг дастлабки ўйини ўтган турда Перу устидан ғалабага эришган Дания ҳамда Францияга имкониятни бой берган Австралия терма жамоалари ўртасида кечди.
Учрашувнинг 7-дақиқасида «Тоттенҳэм» етакчиси Кристиан Эриксен Дания терма жамоасини ҳисобда олдинга олиб чиқди. Унинг Николес Йоргенсен билан ажойиб комбинациясидан сўнг, тўп Метю Райан дарвозасидан жой олди. 38-дақиқага келиб ўйиннинг испаниялик бош ҳаками Матео Лаос VAR тизими ёрдамида Дания дарвозасига пенальти белгилади. 11 метрлик жарима тўпини эса Миле Единак Каспер Шмейхель дарвозасига жойлаб қўйди.
Учрашув сўнггига қадар шу ҳисоб ўзгармай қолди.
«C» гуруҳининг 2-ўйини бироздан сўнг Франция ҳамда Перу жамоалари ўртасида кечади.
Жаҳон Чемпионати
«C» гуруҳи, 2-тур беллашувлари
21 июнь, пайшанба
Дания—Австралия 1:1
Голлар: 1:0 — 7 Кристиан Эриксен, 1:1 — 38, пенальти Миле Единак.Дания: Шмейхель, Кьяер, Ларсен, Далсгор, Кристенсен, Шене, Дилейни, Эриксен, Систо, Йоргенсен (Корньелиус, 68), Поульсен (Брейтуэйт, 59).
Австралия: Райан, Сейнсбери, Бехич, Рисдон, Миллиган, Лекки, Единак, Муй, Рогич (Ирвайн, 82), Круз (Арзани, 68), Неббаут (Юрич, 75).
Огоҳлантиришлар: Поульсен (37), Систо (84).
Изоҳ (0)