Андижон вилояти ҳокими Шуҳратбек Абдураҳмонов Ю. Отабеков кўчасида амалга оширилаётган бунёдкорлик ишлари билан танишиш асносидаги йиғилишда шаҳарда велосипед йўлакларини ташкил этиш бўйича шаҳар ҳокимлиги раҳбарларига аниқ топшириқларни берди. Бу ҳақда Шуҳратбек Абдураҳмоновнинг Facebook’даги саҳифасида маълум қилинди.
Андижон шаҳрида 425 минг аҳоли истиқомат қилади. Қарийб 40 мингга яқин автотранспорт воситалари мавжуд. Вилоят миқёсида эса 187 мингта автоулов бор. Қатновнинг кўплиги, артоф-муҳит мусаффолигини сақлаш масалаласи пиёда ёки экологик тоза транспорт воситасида ҳаракатланишни кенг тарғиб қилишни тақозо этади. Мисол учун Хитойда деярли 70 фоиз аҳоли велосипеддан фойдаланади.
Шуларни назарда тутиб Андижон шаҳридаги 7 та марказий кўчаларда велосипедчилар учун умумий 28,6 км узунликдаги йўлакчалар ташкил қилинади. Бир томонлама йўлакчаларнинг эни 2,25 метр, икки томонламала йўлакчаларники 3,25 метр бўлиши кўзда тутилган.
Дастлабки босқичда 500 та замонавий велосипедлар олиб келиниб, 20 та ижара маскани ташкил қилинади ва барча масканлар ягона электрон тизимга уланган ҳолда ишлайди. Бундан ташқари, ушбу йўналишда ахборот технологияларини кенг қўллаган ҳолда велосипедларни ижрага олишдан тортиб уни тўловлари тўлиқ автоматлаштирилади.Бу борада вилоят ҳокими ахборот технологиялари ва коммуникацияларини ривожлантириш бошқармасига аниқ таклифларни ишлаб чиқиш ва бу йўналишда хорожий давлатлар тажрибасини ўрганиш бўйича топшириқларни берди.
Изоҳ (0)