Саудия Арабистонининг футбол бўйича терма жамоаси Россиянинг Ростов-Дон шаҳрида бўлиб ўтадиган Уругвай жамоаси билан ўйинга етказиб қўйилган «Россия» авиакомпанияси самолётининг двигателидан ўт чиқиши двигателга қуш кириб қолиши туфайлигина юз берган бўлиши мумкин. Бундай фикрни Avia RU Network портали бош муҳаррири Роман Гусаров билдирди, деб ёзади «ТАСС».
Аввалроқ ижтимоий тармоқларда ҳодиса акс этган видеоролик жойланган эди, унда учиб кетаётган самолёт қаноти остида, двигатель ёнида олов кўринган. Саудия Арабистони футбол федерацияси самолётдаги техник носозлик натижасида ҳеч ким жабрланмаганини маълум қилди.
«Двигателлар икки хил ҳолатда ёниб кетиши мумкин: двигатель механизмини бузадиган ички зарба натижасида ёки қуш кириб қолиши туфайли. Аммо ички зарба парвоз чоғида юз беради, ушбу ҳолатда эса самолёт қўнаётган бўлган», — деди Гусаров.
Экспертнинг сўзларига кўра, бу авиацияда анча кенг тарқалган вазият бўлиб, йилига бундай ҳолатлардан мингга яқини қайд этилади.
Изоҳ (0)