Ҳозиргина Россияда ўтаётган футбол бўйича Жаҳон Чемпионатининг «D» гуруҳида ўрин олган Хорватия ҳамда Нигерия терма жамоалари ўртасидаги учрашув якунига етди.
Беллашувда ҳисоб биринчи бўлимнинг 32-дақиқасига келиб очилди. Нигерия термаси аъзоси Огенекаро Этебо автогол соҳибига айланди. Биринчи бўлим Хорватиянинг 1:0 ҳисобидаги ғалабаси билан якунланди.
Иккинчи бўлимнинг 71-дақиқасида эса учрашув бош ҳаками Сандро Росси Нигерия термаси дарвозаси томон 11 метрли жарима зарасини белгилади. Пенальтини эса «Реал Мадрид» ярим ҳимоячиси Лука Модрич аниқ амалга ошириб ўйинга якуний нуқтани қўйди.
Шу тариқа Хорватия ўз ҳисобига 3 очкони ёзган ҳолда «D» гуруҳи пешқадамига айланиб олди.
Жаҳон Чемпионати
«D» гуруҳи, 1-тур беллашуви
16 июнь, шанба
Хорватия — Нигерия 2:0
Хорватия: 23.Даниэл Субашич, 6.Деян Ловрен, 3.Иван Стринич, 2.Шиме Врсалько, 21.Домогой Вида, 7.Иван Ракитич, 10.Лука Модрич, 4.Иван Перишич, 18.Анте Ребич (8.Матео Ковачич, 79), 9.Андрей Крамарич (11.Марсело Брозович, 61), 17.Марио Манжукич (20.Марко Пьяца, 85).Нигерия: 23.Фрэнсис Узохо, 5.Уильям Эконг, 12.Абдуллаҳи Шеху, 2.Брайан Идову, 6.Леон Балогун, 4.Ониние Ндиди, 8.Огенекаро Этебо, 10.Жон Оби Микел (13.Сими Нванкво, 88), 11.Виктор Мозес, 18.Алекс Ивоби (7.Аҳмед Муса, 62), 9.Одион Игало (14.Келечи Ихеаначо, 74).
Огоҳлантиришлар: Ракитич 31, Брозович 89, Эконг 71.
Изоҳ (0)