Евроиттифоқ Ўзбекистон қишлоқ хўжалик маҳсулотларининг тузилма давлатларига экспортини оширишни қўллаб-қувватлайди

Ташқи савдо вазири Жамшид Хўжаев бошчилигидаги делегация Брюсселда бўлиб, Ўзбекистон ва Европа иттифоқи ўртасидаги савдо-иқтисодий алоқаларни ривожлантириш масаласини муҳокама қилди. Бу ҳақда «Kommersant.uz» хабар бермоқда.

Ташриф доирасида делегация Ўзбекистон — Европа иттифоқи ҳамкорлик қўмитаси йиғилишида иштирок этди. Брифинг ҳамда Бельгия ва Нидерландия ишбилармон доиралари билан бир неча учрашув ўтказди.

Европа иттифоқи Ўзбекистоннинг тузилмага аъзо давлатларга қишлоқ хўжалик маҳсулотлари экспортини ошириш бўйича қатор лойиҳа ва ташаббусларини қўллаб-қувватлаш ниятида. Бунинг учун Ўзбекистонда Евроиттифоқнинг озиқ-овқат маҳсулотлари хавфсизлиги бўйича қонунчилиги талабаларига тўғри келадиган сертификатлаштириш тизими яратилиши лозим.

Экспертларга кўра, мамлакатда Евроиттифоқ тан оладиган озиқ-овқат маҳсулотлари сифати ва хавфсизлиги назорати тизимининг йўлга қўйилиши ўзбек маҳсулотларининг Европа бозорига экспорти учун катта имкониятлар беради.