Туризмни ривожлантириш давлат қўмитасида Хитойнинг бир гуруҳ туроператорлари билан учрашув бўлиб ўтди. Бу ҳақда қўмита матбуот хизмати хабар бермоқда.
18 нафар туроператор ва 4 нафар фотографдан иборат гуруҳ 25 майдан 11 июнга қадар Ўзбекистонда бўлиб, мамлакатнинг туризм салоҳиятини ўрганди. Жумладан, Тошкент, Самарқанд, Бухоро ва Хиванинг маданий-тарихий мероси, меҳмонхоналар, миллий таомлар билан танишди.
Меҳмонлар сайёҳларга қулай бўлиши учун Хитой ёзувида битикларни кўриш, шунингдек, нафақат Тошкент, балки бошқа шаҳарларда ҳам Хитой таомлари ошхоналари бўлиши мақсадга мувофиқлигини таъкидлади. Тошкент ва Зоминнинг тоғли ҳудудлари, Сурхондарё ва Фарғона вилоятларида фаол туризмни йўлга қўйиш имкониятига эътибор қаратди.
Туроператорлар Diplomatic VIP and Travel Service компанияси билан ҳамкорликда жорий йил август ойи охирида Чунwин, Лоань ва Сиань шаҳарларидан Ўзбекистонга чартер ва тўғридан-тўғри рейсларни йўлга қўйишга тайёр эканликларини билдирди.
Изоҳ (0)