«Нефтчи» – «Пахтакор», «Бухоро» – «Бунёдкор». Бугун бўлиб ўтадиган ўйинлар анонси

​Бугун, Pepsi Суперлигаси 14-тур баҳслари ўз якунига етади.

Кун тақвимидан 4 учрашув ўрин олган.

Улардан бири Фарғонада мусобақа аутсайдери «Нефтчи» ҳамда пешқадам «Пахтакор» ўртасида бўлиб ўтади. Ўйин 19:03 бошланади.

Қаршининг «Насаф»и эса Бекободда «Металлург» меҳмони бўлади. Беллашув 19:11 да бошланиши режалаштирилган.

Амалдаги чемпион «Локомотив» эса Олмалиқнинг АГМК жамоасини ўз майдонида қабул қилади. Мазкур ўйин ҳам 19:11 да бошланади.

Турнинг сўнгги ўйини 19:32 да Бухорода мезбон «Бухоро» ҳамда Тошкентнинг «Бунёдкор» жамоалари ўртасида кечади.

Мазкур турдан сўнг Суперлига клублари Россиядаги Жаҳон Чемпионати сабаб ёзги таътилга чиқиб кетади.