Farg‘ona viloyatining O‘zbekiston tumanida “VAZ-2102”ning yonib ketishi oqibatida 9 yoshli bolakay halok bo‘ldi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berdi.
Beshariq tumanida yashovchi nafaqaxo‘r o‘zining avtomashinasida O‘zbekiston tumanida joylashgan “Ergashali ustoz Murodov” fermer xo‘jaligiga o‘rik mahsulotini terib olish uchun borib, bog‘ ichiga kirib ketgan. Biroq o‘zi bilan birga olib kelgan 9 yoshli nabirasini nazoratsiz qoldirishi oqibatida, u avtomashina salonida bo‘lgan 5 litrlik yelim idishdagi benzin yoqilg‘isini to‘kib, gugurt bilan yoqib yuborgan.
Oqibatda avtomashina salonida yong‘in sodir bo‘lib, nabira kuyish jarohatidan voqea joyida halok bo‘lgan. Yong‘in shu yerda bo‘lgan fuqarolar tomonidan o‘chirilgan.
Izoh (0)