Андижон вилояти Асака туманида Ўзбекистон Президентининг «Ҳар бир оила — тадбиркор» шиори остида аҳолига имтиёзли кредит кўринишида молиявий кўмак бериш мақсадида туман ҳокимлиги, бириктирилган сектор раҳбарлари ва тижорат банклари томонидан фуқароларга тушунтириш ишлари амалга оширилмоқда.
Ҳар бир секторда ишчи гуруҳлар ташкил қилинди ва улар томонидан туманда истиқомат қилувчи аҳолига яратилган имкониятларни янада кенгроқ тарғиб қилиш мақсадида маҳалла фуқаро йиғинлари раҳбарлари билан биргаликда хонадонларга ташриф амалга оширилмоқда.
Шу билан бирга, фуқароларга қўшимча қулайлик яратиш ва аҳолини тадбиркорлик фаолиятини қўллаб-қувватлаш мақсадида, «O‘zmilliybank» ва туман ҳокимлиги ташаббуси билан туман марказида таъминотчи корхоналарнинг мини кўргазмаси ташкил қилинди.
Кўргазмада тумандаги маҳаллий таъминотчилар билан бир қаторда, Тошкент ва Андижон шаҳарларидан ташриф буюрган таъминотчи корхоналар ҳам ўз маҳсулотлари билан иштирок этишмоқда. Хорижда ва Ўзбекистонда ишлаб чиқарилган замонавий технологиялар асосида ишловчи кичик ускуналар, тикув дастгоҳлари ва агротехникалар намойиш қилинмоқда.
Мини технологиялар кўргазмасида Асака тумани маҳаллаларининг ихтисослашувига кўра, иссиқхоналар, паррандачилик, тикувчилик ва дурадгорлик мосламаларидан наъмуналар мавжуд.
Бу ерда таъминотчи корхоналар ўз маҳсулотларининг хусусиятлари, қулайликлари ва даромадлилиги тўғрисида атрофлича маълумот бериш билан биргаликда, ташриф буюрувчиларнинг қизиқтирган саволларига жавоб беришмоқда.
Шу билан бирга кўргазмада, аҳолини тадбиркорлик фаолиятини илк босқичида жуда катта аҳамиятга эга бўлган бизнес ғоялар тўғрисидаги маълумотлар, асбоб-ускуналар ва таъминотчи корхоналар тўғрисидаги брашюра ва тезислар ва бошқа шу каби қўлланмалар ўрин олган.
Кўргазма доирасида «O‘zmilliybank» томонидан бир нечта тадбиркорлик йўналишларида лойиҳанинг даромадлилиги таҳлили ёритилган стендлар ташкил қилинган. Бу стендлар орқали фуқаролар ўзлари танлаган тадбиркорлик йўналишлари даромадлилигини ўрганиб олишлари ҳамда ўзларини қизиқтирган барча саволларига жавоб олишлари мумкин.
Тадбиркорлик фаолияти билан қизиққан барча фуқароларимизни, Асака тумани, Эргашобод МФЙ, Андижон кўчасида жойлашган «Асака хизмат кўрсатиш касб-ҳунар коллежи» биносида ташкил қилинган мини кўргазмага таклиф қиламиз.
Реклама ҳуқуқи асосида!
Изоҳ (0)