Тошкентда Аграр университетнинг собиқ ходими, ҳозирда касб-ҳунар коллежларидан бирининг директори ҳамда ушбу университетнинг 2-курс талабаси 6 минг доллар эвазига олий таълим муассасасига ўқишга киришга таклиф қилаётгани аниқланди. Бу ҳақда ИИББ ҳузуридаги Жиноят қидирув бошқармаси иқтисодий хавфсизлик ва коррупцияга қарши курашиш бўлими маълум қилди.
Ўтказилган тезкор тадбир натижасида гумондорлардан бири талаб қилинган сумманинг ярмини олаётган вақтда жиноят устида қўлга олинди. Айбланувчининг кўрсатмаларига асосан иккинчи гумондор ҳам ушланди.
Юнусобод туман прокуратураси томонидан мазкур ҳолат юзасидан тўпланган далилий маълумотлар асосида Жиноят кодексининг 168 ва 211-моддалари билан жиноий иш қўзғатилди.
Изоҳ (0)