Huawei компанияси (МЧЖ ХК Huawei Tech Investment Tashkent ) Тошкент ахборот технологиялари университети (ТАТУ) билан биргаликда «Келажак ниҳоллари» йиллик лойиҳасининг иштирокчиларини тақдирлаш маросимини ўтказди, унда университетнинг 10 нафар талабаси амалий тажрибага эга бўлиш учун Хитойга юборилади. Тўрт йил мобайнида Huawei бу лойиҳани ташкиллаштириб келади ва ҳар йили ТАТУ талабалари Хитойга саёҳат қилиб, компаниянинг илмий марказларида назарий ва амалий машғулотларда иштирок этадилар ҳамда илғор технологиялар ва АКТ соҳасидаги инновацион ечимларни ўрганадилар.
Бу йил компания вакиллари ТАТУ мутахассислари билан биргаликда 2018 йилнинг 25 майидан 8 июнигача Хитойда ўқитиладиган «Келажак ниҳоллари» лойиҳаси бўйича энг яхши 10 нафар талабани аниқлади. Амалиёт давомида талабаларга телекоммуникация соҳасидаги инновациялар намоён этилади ва 5G тармоғини, ҳамда IOT ишланмаларини ўрганиш учун амалий машғулотлар ўтказади.
Тошкент ахборот технологиялари университети Huawei компаниясининг Ўзбекистондаги яқин ва ишончли ҳамкори ҳисобланади. Huawei компаниясининг кўплаб муҳандислари ва мутахассислари ушбу университет битирувчилари ҳисобланади. Мана бир неча йилдирки компания университетнинг иқтидорли талабалари ва ёш олимларини қўллаб-қувватламоқда.
«Ўтган йили ‘Келажак ниҳоллари’ лойиҳасининг 4 нафар иштирокчиси Пекинда бўлиб ўтган ‘Бир макон—бир йўл’ халқаро саммитида иштирок этган ва мазкур лойиҳа имкониятларини 30 га яқин давлат ва ҳукумат раҳбарларига тақдим этганини таъкидлаш жоиз. Бундай юксак даражадаги воқелик ва ‘Келажак ниҳоллари’ дастурида иштирок этиш ёшлар учун катта аҳамиятга эга бўлиб, уларга Хитой борасидаги энг ёрқин таассуротларни ва келажакка бўлган ишончни кучайтиради», — дейди Huawei компаниясининг корпоратив алоқалар бўлими раҳбари Даврон Азизов.
ТАТУ талабалари орасидан энг яхши 10 нафарини танлаб олиш учун ташкил қилинган танлов икки босқичдан иборат бўлиб, унда 100 дан ортиқ талабалари иштирок этиш истагини билдирди.
«Ўтган йили бизнинг талабалар мобил алоқа станциялари ва коммутация технологияларини жадал монтаж қилиш бўйича ташкил қилинган мусобақаларда иштирок этиб, Миср ва баҳрайнлик тенгдошларини ортда қолдириб, биринчи ўринни қўлга киритди. Биз талабаларимизнинг профессионаллик даражаси ҳамда илмий салоҳияти хорижда ҳам юксак эътироф этилганидан жуда фахрландик.
Huawei каби бизнинг халқаро ҳамкорларимиз билан ишлашни давом эттириш иштиёқимиз баланд ва бу йилги ‘Келажак ниҳоллари’ дастури талабаларга юқори даражадаги ютуқларни олиб келиб, таълим жараёнида қўлланиши мумкин бўлган кўникмалар, ғоялар ва янги тажрибаларни Ўзбекистонга олиб келишларига ишонч билдириб қоламиз», — дея таъкидлади ТАТУнинг ўқув ишлари бўйича биринчи проректори Файзулла Агзамов.
Реклама ҳуқуқи асосида
Изоҳ (0)