«Ўзбекконцерт» давлат муассасасида санъаткорларнинг тўй-маросимларда иштирок этиши масалаларига бағишланган йиғилиш бўлиб ўтди. Бу ҳақда «Ёшлар» телеканалининг «Давр» информацион дастури хабар бермоқда.
Йиғилишда дабдабали тўй-маросимларни чеклаш ишлари доирасида битта тўйда нечта хонанда қатнашиши мумкинлиги масаласи ҳам муҳокама қилинган. «Битта тўйда битта санъаткор бўлиши керак» кўринишидаги таклиф халқ артистлари томонидан ҳам кўп маъқулланмаган.
Хусусан, Ўзбекистон халқ артисти Насиба Абдуллаева бу таклиф 1 миллион аҳоли томонидан маъқуллангани билан, буни қолган 30 миллион киши ҳам шу фикрда деб айтиш қийин, дея фикр билдирган.
Тўйларда битта санъаткор бўлиши керак деган таклифни бир миллион киши маъқуллаб чиққан бўлса ҳам, буни 30 миллион одамнинг фикри деб бўлмайди.Ҳозир ҳақиқатан ҳам қонун чиқадиган бўлса-ю, битта тўйда фақат битта санъаткор хизмат қилади, деган талаб қўйиладиган бўлса, санъаткор номини кўтариб юрганларнинг бари ишсиз қолиб кетади.
Насиба Абдуллаева, Ўзбекистон халқ артисти
Изоҳ (0)