АҚШ бошчилигидаги халқаро коалиция билан ҳамкорлик қилувчи «Сурия демократик кучлари» ИШИДнинг франциялик хавфли аъзоси қўлга олинганини маълум қилди. Жангари Париж ва Ниццадаги терактларга алоқадорликда гумон қилинмоқда. Бу ҳақда «РИА Новости» хабар берди.
Хабар берилишича, Абу Усама ал-Фарансий тахаллусли Адриан Лионель Кияли бошчилигидаги террорчилар гуруҳи қўлга олинган. Гуруҳ етакчиси Парижда 2015 йил ноябрь ойида ҳам Ниццада 2016 йил 14 июлда юз берган терактларда асосий ролни бажарган.
Таъкидланишича, жангари билан бирга унинг рафиқаси ҳам қўлга тушган. Террорчи Суриянинг Раққа шаҳрида яшириниб, Туркия ҳудуди орқали Европага қайтиб кетиш имкониятини кутган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)