Филиппиннинг Палаван провинциясидаги Балабак шаҳрида бир эркак 4,5 метр узунликдаги тимсоҳ панжасидан 15 ёшли ўғлини қутқариб олди, деб ёзади Manila Bulletin нашри.
Ўсмир балиқ тутиш учун моторли қайиқни тайёрлаётган вақтида унга тимсоҳ ҳужум қилган. Ўғлининг бақириқларини эшитиб, ташқарига чиққан онаси уни тимсоҳ сувга тортиб кетаётганини кўрган ва эрини уйғотган. Эркак қўлига пичоқ олиб, ёрдамга шошилган.
Бу пайтгача тимсоҳ ўспиринни саёзликка судраб кетишга улгурган. Эркак ҳайвонга ташланиб, ўғлини озод қилишга уринган. Бир неча дақиқадан кейин у йиртқичнинг кўзига пичоқ санчган, шундан кейин тимсоҳ уларни тинч қўйган.
Тимсоҳ билан жангда эркак ўғлидан кўра анча оғирроқ яраланди. Уларнинг иккаласи ҳам касалхонага етказилди.
Изоҳ (0)