Кеча, 19 май санасида Жозе Моуриньо бошчилигидаги «Манчестер Юнайтед» 2017/18 йилги мавсум Англия кубоги финалида «Челси»га мағлуб бўлди. «Уэмбли»да бўлиб ўтган баҳсда «аристократлар»га ғалаба келтирган голга 22-дақиқада Эден Азар муаллифлик қилди.
Мазкур мағлубият «манкунианлар» бош мураббийи Жозе Моуриньо учун ўз фаолиятида илк марта Англиядаги кубок ўйинларида финалда ютқазишидир. У бунга қадар Англия кубоклари финалларида 5 бора финалга чиқиб, уларнинг барчасида ғалабага эришганди.
Жозе «Манчестер Юнайтед» билан ўтган мавсумда Лига кубогида ғалаба қозонганди, аввалроқ «Челси» билан Лига кубогида 3 марта зафар қучган, бир марта Англия кубогида ғалаба қозонишга муваффақ бўлганди.
Шунингдек, кечаги мағлубият Моуриньо учун қаторасига иккинчи финални бой бериши бўлди. «Қизил иблислар» бунга қадар «Реал»га Европа Суперкубоги учун баҳсда ютқазганди.
Аввалроқ 2003/04 йилги мавсумда «Порту» бош мураббий бўлган Жозе Моуриньо Европа Суперкубогида «Милан»га ютқазганидан сўнг Португалия кубоги финалида «Бенфика»дан ҳам мағлуб бўлганди.
Изоҳ (0)