2018 йилнинг 13 май куни «Тошшаҳартрансхизмат» АЖ кичик мажлислар залида Тошкент шаҳар ИИББ ЙҲХБ мутасадди ходимлари иштирокида тармоқ корхоналари раҳбарлари, ХХБ бошлиқлари, «Тошшаҳартрансхизмат» АЖ раҳбарлари ва масъул ходимлари билан биргаликда йиғилиш ўтказилди, деб хабар беради «Тошшаҳартрансхизмат» АЖ ахборот хизмати.
Йиғилишда 2018 йилнинг 12 май куни жамият таркибига кирувчи «1-автобус саройи» МЧЖ (Тошкент шаҳар, Яшнобод тумани, Оҳангарон кўчасидан 119-йўналишида ҳаракатланаётган Isuzu русумидаги давлат рақами 01 023 EDА бўлган) ҳайдовчиси Абдурашид Қўзибоэв томонидан содир этилган йўл-транспорт ҳодисаси бўйича қўшма қарор имзоланди.
Мазкур қарорда келгусида амалга оширилиши зарур бўлган қуйидаги чоралар белгилаб олинди:
-автобуслар белгиланган тезликдан оширилмаслигини назорат қилиш мақсадида, Тошкент шаҳар ИИББ ЙҲХБ масъул ходимлари билан ҳамкорликда «Тоштрансдиспетчерхизмат» УК марказий нозимлик хизмати билан GPS-тизими томонидан олинган маълумотларга таяниб тезликни белгиланган меъёрдан оширган ҳайдовчиларга нисбатан кескин таъсир чораларини кўриш;
-ҳайдовчилар билан огоҳлик ва хавфсизликни кучайтириш мақсадида навбатдан ташқари йўриқнома ўтказиш;
-ЙТҲларни синчковлик билан ўрганиш, таҳлил қилиш мақсадида, барча автобусларга босқичма-босқич видео-регистратор ўрнатиш;
-Тошкент шаҳар ИИББ ЙҲХБ масъул ходимлари билан ҳамкорликда ҳар ҳафтанинг пайшанба куни ўтказиладиган профилактика кунида ҳафта давомида автобус ҳайдовчилари томонидан йўл қўйилган қоидабузарликлар тўғрисидаги маълумотларни Тошкент шаҳар ИИББ ЙҲХБдан олиш ва танқидий кўриб чиқиш ҳамда уларга нисбатан кескин таъсир чоралари кўриш.
Изоҳ (0)