«Қўқон» эркин иқтисодий зонасида йилига 72 минг тонна ун ва ун маҳсулотлари тайёрлаш имкониятига эга «Admiral group» МЧЖ иш бошлади. Янги корхонада 50 га яқин иш ўринлари яратилди. Бу ҳақда «Дарё» мухбири Азизжон Эрматов хабар берди.
Туркия технологиялари асосида жиҳозланган замонавий корхонада кунига 200 тонна буғдой қайта ишланиб, олий ва биринчи навли ун, бир неча турдаги ун маҳсулотлари ишлаб чиқарилади. Бу йилига 700 минг АҚШ доллари миқдорида маҳсулот экспорт қилиш имконини беради.
«Экспорт имкониятларини кенгайтириш мақсадида 15 нафар ёш мутахассисимиз Тошкентда маркетинг ҳамда менежмент соҳасида малака оширмоқда. Тез орада корхонанинг иккинчи тармоғи ишга туширилиб, яна 30 дан ортиқ иш ўрни яратилади ҳамда маҳсулотлар тури янада кўпайтирилади», – дейди корхона раҳбари Шавкат Юнусов.
Изоҳ (0)