Журналистлар уюшмаси «Йилнинг энг фаол журналисти» танловини эълон қилди. Бу ҳақда ЎзА хабар бермоқда.
«Ҳурматли ҳамкасблар! Ўзбекистон Журналистлари ижодий уюшмаси сизларни ‘Йилнинг энг фаол журналисти’ танловида қатнашишга таклиф этади», — дейилади хабарномада.
Танловга 2017 йилнинг 1 июнидан 2018 йилнинг 1 июнигача газета ва журналларда, интернет нашрларида эълон қилинган материаллар, эфирга узатилган телекўрсатув ва радиоэшиттиришлар қабул қилинади.
Материаллар танловга таҳририятлар тавсияси билан Ўзбекистон Журналистлари ижодий уюшмасининг Қорақалпоғистон Республикаси ва вилоятлар бўлимлари орқали жорий йилнинг 5 июнигача муаллифнинг иш жойи, телефони, манзили ҳақидаги маълумотлар ва паспорт нусхаси илова қилинган ҳолда тақдим этилиши лозим.
«Йилнинг энг фаол журналисти» танлови ғолиблари ва совриндорларига диплом ҳамда қимматбаҳо совғалар Матбуот ва оммавий ахборот воситалари ходимлари кунига бағишлаб 27 июнда ўтказиладиган байрам тадбирида топширилади.
Изоҳ (0)