Фарғона шаҳридаги десантчилар бўлинмасида вилоят мудофаа ишлари бошқармаси томонидан академик лицей ва касб-ҳунар коллежлари ўқувчилари учун очиқ эшиклар куни ўтказилди. Унда 110 нафар ўқувчилар иштирок этиб, кузатув бинокллари, гранатамёт ва қўл пулемётларидан фойдаланиш имкониятига эга бўлди. Бу ҳақда «Дарё» мухбири Азизжон Эрматов хабар берди.
9 май – Хотира ва қадрлаш куни олдидан ёшларнинг ҳарбий касбга қизиқишини ошириш мақсадида ўтказилган тадбирда ҳарбийлар томонидан ўқувчиларга замонавий ҳарбий-техника имкониятлари, қурол-аслаҳалардан фойдаланиш қоидалари ҳақида маълумот берилди.
Ўқувчилар ҳарбий қисмда муддатли ҳарбий хизматни ўтаётган аскарлар учун яратилган шароит, уларнинг ўқиш, жисмоний ва жанговар тайёргарлик жараёнлари билан танишди.
Изоҳ (0)