Twitter ижтимоий тармоғида апрель ойида ўзининг 69 ёшини нишонлаган Алла Пугачёванинг вафот этганлиги ҳақидаги хабар пайдо бўлди, деб ёзади «Darakchi.uz».
Унда «4 май куни Алла Пугачёва вафот этди», деб ёзилган. Хабарда машҳур хонанданинг ўлимига юрак артериясининг тромбози, сал кейинроқ эса гиёҳванд моддаларнинг кўп миқдорда қабул қилиниши сабаб бўлганлиги ҳақида маълум қилинган. Гўёки айни пайтда Алла Пугачёванинг жасади Москва ўликхоналаридан бирида сақланаётган эмиш.
Мазкур хабар Алла Пугачёванинг мухлисларини даҳшатга солди. Бироқ бу маълумотлар ёлғон бўлиб чиқди. Чунки Алла Пугачёва бу хабардан кейин ўзининг Instagram саҳифасига ўғли Гаррининг видеосини жойлаштириб, соғ-саломат эканлигини исботлади.
Изоҳ (0)