Дунёдаги энг яхши сифатли ҳаво Финляндияда қайд этилди, деб ёзади «РИА Новости» Жаҳон соғлиқни сақлаш ташкилотига таяниб.
Ташкилот экспертлари таъкидлашича, Финляндияда чанг микрозарралари миқдори бир куб метрда олти микрограммга тенг — бу дунёдаги энг паст кўрсаткич. Рейтингда Финляндиядан ташқари, Эстония, Швеция, Норвегия ва Исландия етакчилик қилмоқда.
Яқин ва Узоқ Шарқ ҳамда Африка мамлакатларида эса ҳаво сифати энг ёмон бўлиб чиқди. Ушбу ҳудудларда чанг зарраларининг зичлиги рейтингдаги етакчи мамлакатлар кўрсаткичларидан ўн маротаба зиёдроқдир. Дунёдаги энг ифлосланган ҳаво Уганда, Мўғулистон, Қатар ва Камерунда қайд этилди.
ЖССТ тадқиқотлари 2008—2016 йилларда 100 та мамлакатда олиб борилган.
Изоҳ (0)