Ўзбекистон Президенти Шавкат Мирзиёев Ўзбекистон халқ артисти, таниқли кинорежиссёр Шуҳрат Аббосовнинг вафоти муносабати билан марҳумнинг оила аъзолари ва яқинларига таъзия изҳор этди. Бу ҳақда ЎзА хабар берди.
Таниқли режиссёр 25 апрель куни оламдан ўтди.
Шуҳрат Аббосов 1931 йилнинг 16 январида Қўқонда таваллуд топган. 1949 йилда Тошкент тиббиёт техникумини, 1954 йилда Островский номидаги Тошкент театр ва рассомчилик институтининг режиссёрлик факультетини тамомлаган.
Шуҳрат Аббосов ўзбек киносида ўзгача янгилик қилган, ўз йўналиши бўйича алоҳида ўрин эгаллаган режиссёр эди. Унинг «Маҳаллада дув-дув гап» (1960), «Сен етим эмассан» (1962), «Тошкент – нон шаҳри» (1967), «Абу Райҳон Беруний» (1974), «Оловли йўллар» (1977—1985), «Отамдан қолган далалар» (1997), «Дилор, Дилор, дил ва ор» (2015) каби фильмларини ўзбек халқи ҳалигача севиб томош қилади.
Изоҳ (0)