Ўзбекистоннинг давлат бюджетидан молиялаштириладиган вазирликлари, идоралари ва бошқа ташкилотларидаги АКТга ихтисослашган штат ходимлари иш ҳақининг 100 фоизидан кам бўлмаган миқдорда устама ҳақ олиши мумкин. Бу ҳақда Spot хабар берди.
Мазкур меъёр Вазирлар Маҳкамасининг бир қатор норматив ҳужжатларга ўзгартириш ва қўшимчалар киритиш ҳақидаги қарорида кўзда тутилган, дейилади хабарда. Аввал бундай ходимлар 50 фоиз миқдорида устама ҳақ олиши мумкин эди.
Устамани белгилаш омиллари қаторига электрон ҳужжат айланишидан самарали фойдаланиш. АКТ тузилмаларининг узлуксиз ишини таъминлаш, ахборот хавфсизлигини таъминлаш, интерактив давлат хизматларини жорий қилиш ва бошқалар киради.
АКТ соҳасидаги раҳбарлар ва ходимларни моддий қўллаб-қувватлаш ҳақида қарор қабул қилишда уларнинг уч йилда бир марта ўтказиладиган аттестацияда эришган натижалари ҳисобга олинади.
Изоҳ (0)