Шимолий Кореядаги Пунгери ядровий майдонидан ҳали ҳам синов учун фойдаланиши мумкин ва ҳар қандай вақтда фойдаланишга топширилиши мумкин. Бу ҳақда АҚШ махсус хизматидаги номи ошкор этилмаган манбасига асосланиб Meduza хабар берди.
КХДР етакчиси Ким Чен Ин Жанубий Корея президенти билан музокаралар ўтказишдан олдин мамлакатдаги ядровий синовлар тўхтатилганини ва 2006 йилдан буён олти маротаба синов ўтказилган полигон ёпилганини маълум қилганди.
Хитой илм-фан ва технология университети олимларининг хулосасига кўра, Пунгери полигони 2017 йилнинг сентябрида водород бомбаси синови ўтказилганидан сўнг фойдаланишга яроқсиз бўлиб қолганди. Ўшанда ядро полигони туннель қулаши оқибатида 200 киши ҳалок бўлганди.
Изоҳ (0)