Исроил ҳарбий авиацияси фаластинликлар гуруҳи чегарани кесиб ўтишга уринганидан сўнг, ҲАМАСнинг Ғазо секторидаги олтита ҳарбий-денгиз нишонларига зарба берди. Бу ҳақда Исроил армиясининг Twitter’даги саҳифасида маълум қилинди, деб хабар беради «Газета.ru».
«Бизнинг авиациямиз Ғазо секторидаги ҲАМАС ҳарбий-денгиз кучларига тегишли олтита террорчилик нишонларига зарба берди. Ҳужум Исроил ҳудудига фаластинликлар гуруҳининг ўтишига уринганига жавоб тарзида амалга оширилди», — дейилади хабарда.
Аввалроқ фаластинлик журналист Ғазодаги намойишлар чоғида олган жароҳатидан вафот этгани ҳақида хабар берилганди.
Изоҳ (0)