Россиянинг Суриядаги урушаётган томонларни яраштириш маркази раҳбари генерал-майор Юрий Евтушенконинг маълум қилишича, Шарқий Гутанинг 63 мингдан ортиқ аҳолиси қочоқлар лагеридан ўз уйларига қайтган, деб хабар беради «Газета.ru».
«Томонларни яраштириш Марказининг ва Сурия ҳукуматининг қўллаб-қувватлови сабаб қочоқлар лагеридаги 63 164 нафар аҳоли ўзларининг Шарқий Гутадаги уйларига қайтди», — дейди Евтушенко.
Шунингдек, унинг қўшимча қилишича, яраштириш маркази Дамашқ вилоятидаги Жаб-Ас-Сафо аҳоли пунктига гуманитар ёрдам кўрсатган. Одамларга 450 турдаги озиқ-овқат маҳсулотлари етказилган. Гуманитар ёрдамнинг жами оғирлиги икки тоннани ташкил этади.
Изоҳ (0)