Shimoliy Koreyadagi Pungeri yadroviy maydonidan hali ham sinov uchun foydalanishi mumkin va har qanday vaqtda foydalanishga topshirilishi mumkin. Bu haqda AQSh maxsus xizmatidagi nomi oshkor etilmagan manbasiga asoslanib Meduza xabar berdi.
KXDR yetakchisi Kim Chen In Janubiy Koreya prezidenti bilan muzokaralar o‘tkazishdan oldin mamlakatdagi yadroviy sinovlar to‘xtatilganini va 2006-yildan buyon olti marotaba sinov o‘tkazilgan poligon yopilganini ma’lum qilgandi.
Xitoy ilm-fan va texnologiya universiteti olimlarining xulosasiga ko‘ra, Pungeri poligoni 2017-yilning sentabrida vodorod bombasi sinovi o‘tkazilganidan so‘ng foydalanishga yaroqsiz bo‘lib qolgandi. O‘shanda yadro poligoni tunnel qulashi oqibatida 200 kishi halok bo‘lgandi.
Izoh (0)